Nəhcul-Bəlağə pand iyən hikməton

Nəhcul-Bəlağə pand iyən hikməton

“Və ləğəd...Və beşək,cın iyən odəmonku veynimon bo cəhəndımi ofəyəmone(zira)çəvon dılonışon heste ki,deçəy vositə(İlahi maarifi) dərəseydənin və çəşonışon heste ki,deçəy təvəssıti(həxı nışonəon) vindedənin və quşonışon heste ki,deçəy vəsilə (Xıdo iyən çəy pəyğombəri sıxanon) məseydənin.əvon bənə ço poonin,bəlkəm həm vey saru.ımonin ki,(İlahi maarif iyən ayəonku)bexəbə iyən ğafil.

Mılki mıborəkə surə 10-ə şərifə ayədə çe Duzəxi əhli zıvoniku nəğl bıə:”Və ğalu ləov kunna...və votedən:ehyanə çəmə qıləy məsə quşımon bıəbe ta ıştə ağliku okomon doəbe,çe duzəxi və cəhındımi əhli miyono nıəbimon.

Çoko ki,şımə mılohizə kardedon,Xıdovəndi tərəfiku bo insoni hidoyətiro lozım bıə çiyon əto kardə bıə və muşkil iyən problem çe insoni səmtikuye ki,qıləy məsə quş iyən vində çəşış ni.

Xıdo-Rəsuliku(s) rəsə qıləy hədiəsədə handedəmon:”leysəl-Ə`ma mən yə`ma...ku,ıştə çəşış çe dasto doə kəs ni,ku əkəse ki,bəsirətış ni”.

Əmirəl-Muminin Həzrət İmom Əli(ə) Nəhcul-Bəloğə 157-ə hikmətədə bə ın nuktə işorə kardeydə ki,Xıdovəndi çe insoni hidoyəti səbəbonış hozzı kardə.əqər əv,çəyku qıləy bəhrə və səmərə nıbo,bəştə zərəriş kardə.kutoəti iyən səhlənkoəti şıməkuye.joqo ki,hamyedə:”Ğad bussirtum... bəşmə nışon doey bıə,ehyanə şımə qıləy vində çəşon bıbu,çe hidoyəti vəsilə iyən vositə şımə ixtiyorədəy,ehyanə şımə hidoyəton ğəbul karde və həxı sədo şımə quşədəy,əqər şımə qıləy məsə qoşon bıbu”....

Odəmi dığğəti cəlbəkə çi Ənami mıborəkə surə 104-ə şərifə ayədə omə və hamyedə:”Ğad caəkum bəsairu...Şımə pərvərdıqori tərəfiku bəsirəto ofəyə dəlilon boşmə omə.ikəs ki,(deçəy vəsilə və vositə)qıləy bəsirət iyən aqahətiş pəydo karde,bəçəy xəyriye və ikəs ki,çəy vindeyku çəş vi bıko,bəştə ziyoniş kardə”....