Nəhcul-Bəlağə pand iyən hikməton

Nəhcul-Bəlağə pand iyən hikməton

Əmirəl-Muminin Həzrət İmom Əli(ə) Nəhcul-Bəloğə 160-ə hikmətədə ın nuktə bə yod dənoydə və hamyedə:”Mən mələkə istəsərə...Əkəs ki,bə hukuməti rəseydə(əksərən) zılm iyən avtokratiya roy vıjniyedə.

Torıx həm bə ın məno qıləy ruşinə şoyde.veyə şəxson bıən ki,çanədə ki,dastışon bə hukuməti rəsənıbe,çe həx-ədolətiku dəm jeydəbin və de mərdumi məşvərət və koon bəçəvon ehdə noeyku sıxan bə miyon vardedəbin,əmmo çoko ki,hukumətışon bəştə ixtiyor qətışone,çe istibdod iyən despotizmi roşon intixob karde,vıjniyeşone.əvon nə bə ikəsi nəsyətişon quş doe,nə bə dustı-dışmeni rəhmışon karde və çe mərdumi mığobilədə qıləy barzə həddədə de diktatorəti məşğul bin.

Həzrət İmom Əli(ə) “istə`sərə” çe avtokratiya və monopoliya mənoədəy.həmonə çi ki,çe istibdod iyən despotizmi mığəddimə iyən fundamente.ın istibdod nəyinki,umumi istedodon məhf kardedə,bəlkəm çe insoni əndişə və fikon real bey zəminə çe miyoniku bardedə və çe camiyə fərdon həmmə ozodəti de xətər və təhlukə dimbədim kardedə.çımonsə əlovə,zılmkorə hakim iyən hukuməton ıştən,bəsə həmmə kəsonə vey çe suğut iyən məhfəti mə`rəzədə ğərol qəteydən.

Əmirəl-Muminin Həzrət İmom Əli(ə) coqlə hikmətədə çəşnavi doydə və hamyedə:”Mənistəbəddə... İkəs ki,çe istibdodi roy bıqəto və bəştə ray əməl bıko,məhf bəbe.çoko ki,firon deştə həmmə ğudrət iyən sərvəti çe istibdodi ğullədə nıştəbe və votedəbe:az şımə yolə xıdom,şımə maq iyən jimon çımı dastədəy.əmmo qıləy zəmon ki,çe Nili ru xışmqinə ovi miyono qiriftor be,de xar və zılləti çe həzrət Mosəku(ə) koməqış tələb karde və oxoyədə həm bə maqi təslim be.harçand ki,çımi bənav həm mardəbe.çıro ki,istibdod iyən sıtəm çe insoni zoti həlok kardedə və həmonə ko səbəb be oxonə ləzonədə həm Xıdo zikr nıkon ki,ehyanə çe Mosə(ə) Xıdoş vanq jeyəbe və çəyku koməqış tələb kardəbe,mumkin be əv,nicot pəydo əki.