Nəhcul-Bəlağə pand iyən hikməton
Nəhcul-Bəlağə pand iyən hikməton
Əmirəl-Muminin Həzrət İmom Əli(ə) Nəhcul-Bəloğə 173-ə hikmətədə jıqo hamyedə:“Mənistəğbələ...İkəs ki,bə mıxtəlifə rayon dığğət bıko iyən tafutinə nəzəon bərrəsi və təhğığ bıko,çe xətəri vırə bəzıne”.
Bo de cokəson ray və fikon oşnoəti həmməysə çokə roonku qıləyni,məşvərət kardeye.əmmo İmom Əli(ə) kəlom iyo çe məşvərətisə bəpe bıə qıləy sıxane və bə har nev rayon bərrəsi kardey və təhğığ kardey işorə kardedə.ım həkimonə sıxanon i tərəfiku bo təəssıbin iyən inodkorə fərdon qıləy çəşnaviye ki,əvon hətto hozzı nin çe cokəson sıxanon bıməson iyən co tərəfiku qıləy təzəkkur iyən pande elmi məsələonədə bıə dıliojəti iyən ozodəti əhəmiyyəti həxədə.həlbəttə İmom Əli(ə) hamyəşni ki,”Har qıləy nəzə ğəbulkənən”,bəlkəm hamyəşe ki,”Har qıləy nəzə bərrəsikənən”.ın zərif iyən nəcimə tafut,çe ağılmandə məşvərəti de bənə noxəşi bıə şəkki miyono bıə marzi mıəyyən kardedə.bə həmonə dəlili xotoye ki,rəvoyətonədə təkid kardey bıə ki,de”ağılmand iyən xırədmandon” məşvərətkənən.
In Ələvi hikmət fəğət qıləy əxloği tevsiyə ni,bəlkəm bo jimon iro qıləy tətbiği strateqiyay. ısət çe kəsbo-ko ya həmonə biznesi idorə kardeyədə bıbu və ya çe xıyzoni ixtilofon həlli koyədə və ya hətto rujmərrə və harujnə diyaloqonədə bıbu.mıxtəlifə cəhətonku bə məsəlon nəzə kardey,həmonə çiye ki,çe”Çokə ğəroli” de ”Aliyə ğəroli” miyono bıə tafuti icod kardedə.ım çe Əmirəl-Muminin Həzrət İmom Əli(ə) həmonə mandeqor iyən əbədi mandə irse ki,ımruj çe mudiriyyət iyən menecmenəti elm əy de modern iyən mıosirə əlifbo tikror kardedə...
