81 həzo tonisə vey məhsul Ostro osonə royku ixracat be

Ostor qomrok mudir votışe: 81 həzo ton və 899 ton məhsul 1həzo 249 vaqoni ğolibədə ımsornə sori tir manqiku ın şəhristani osonə roku bə xaric ixracat be

Rəsul Omidi de İrna jurnalisti raporti əsos votışe: ən mıddətdə 93 həzo 716 ton məhsul 1həzo 565 vaqon bə Ostor terminal və 81 həzo 899 ton məhsul 1həzo 249 vaqoni ğolibədə çəyku xaric bəy.

Əv Əlovəş ka, kə vəsiləon, sement, kaşi, mevə və sığ men cumlə məhsulonin ki, bə Rusiyə, Qurcestan, və Az.R. ixracat bəy. və ə kişvəronku taztə və taxl idxal bəy.

Omidi votışe: qunruki terminal ımsurnə suri tirmanqi İminə rujonku fəal bəy və ə zəminiku tabə ısət 10 həzo 7ton məhsul de 142 qılə vaqon nəğliyat bəy və terminaldə nəğliyat və idxal və ixracat  və ticorət sahon xidmət rusnie təşkilaton vırə karde Ostoro - Ostoro osonə ro ve inkişaf bəkay.

Az.R və İroni miyono Ostor - Ostoro osonə ro ımsornə suri fərfərdinə manqədə bə istismor rəse.

Ostoro qumrukiyə idarə məhsulon ğətiyə ixracat və idxali, mıvəğətə daxi və xaric be, sərhəd ənştə tavonion, xarici və daxiliyə nəğliyat, Beynəl-Xəlğ ticoriyə muvafığt noməon, maşinon daxil və xaric be, musafiriyə koon, post əmonəton və məhkəmiyə koonədə fəaliyət kardə.

Ostoro sərhədiyə şəhristan de 91 həzo nəfər cəmiyyət Qilon ostani ğərbiyə şimaldəy və Az.R sərhədy.