Səçıni iştirokiro Tolış şəhrıstoni cımə İmomi bəyoniyə

Tolış şəhrıstoni cımə İmom, səçınədə hərorətinə iştirokiro, ım şərıstoni bəsirətinə millətiku dəvətış kardə.

Besmellahe Rəhmane Rəhim

Səçınədə iştirok kardey qıləy dini və milli ğəyrəte və fəğət qıləy siyosi məsələ ni, kişvəri əmniyyət və təmamiyyət, ayəndəon ayənə, zalımə deşmonon ( ki çəmə kişvəri ətrofi bənə canqi əbzoron əvəz kardışone) dasti bırniye, bə jığo bəsirətinə iştiroki vabəstəy, və sədo sondıxi poyədə iştirokiro harcurnə bemeyli nışo doey be şək de vətəni piye iddio vay fosiləş heste.

Həminə cəhətədə Tolışi əsilə ayiləon və şərifə millət, etıborin və nıfuzinə şəxson, cıvonon, ellitaon,universiti tələbəon, fermeron, fəhləon, koəkəyon, taciron, meəllimon, varzişkoron, hınə soyb bıə kəson, sınni və şiə bıvəon, mediya əshabon, Tolış şəhrıstoni həmmə nəcibə millət, mixtəlifə fik, nəzə iyən həmmə səliğəon odəmonku dəvət kardedəm ta deştə nığılə vəhdət, zəmonşınosi və vətəndusti  iyən ğəyrət co kərə, İroniro bə sındoxi poy boon və vətəni deşmonon təşvişi hani bə sərob əvəz bıkon iyən bə ım sərzəmini deşmonon siyə diməti ğesmət bıbu və millət deştə hərorətinə iştirok kişvəri iğtidori himoyəkə bıbun və beynəlxalğə baxşonədə kişvəri həmmə tərəfiyə barzəti roy vey mehkəm bıkon.