RF Prezidenti bə Tocikiston səfə
Oktyabri 9-də TR Prezident Emoməli Rəhmoni de RF Prezident Vladimir Putini vindemoni bədiqə Kremli press-xısdməti dı prezidenton bə ico strateji həmkoəti iyən mıttəfığəti barədə bəyonatşon dərc kardə
Bəyonatədə, tərəfon «məntəğəku bəkəno keşfəron və hərbi-siyosi onemonon bə MA koon mıdaxilə» ro nıdoe, həmkoəti inkişof karde və avroasiyadə bə işqilon ıştə miyonədə həll karde ğeyd bedə.Bə boyyonomə əsos, məntəğədə əmniyyətəti iyən stabiləti zumand be ro tərəfon hərbi və hərbi-texniki sahonədə əlağon həniən zumand be ro, bın koədə RF Tocikistonədə 201-minə hərbi bazə potensealonku istifodə karde, KƏMT barzə rol be və çəy imkonon həniən ziyod karde ğeyd kardən.Prezidenton ıştə məruzonədə Tocikistonədə bə urusi zıvoni dastək be bəyon kardəşone.TR prezident bə RF urusi zıvoni mullimon hozzo, bo məktəbon dərs vəsaiton dərc və nuə məktəb, Rus dram teatri binon ejəne dastək doe ro minnətdorəti kardəşe. Тocikistonədə həmən bo istedodinə əğlon mərkəz onoə bedə ki, ın koən de rusiya koməki bə jimon dəvonə bedə.Mulağaton nəticədə həmkoəti sahədə xeyli dıtərəfinə sənədon imzo kardə bən ki, çımon dılədə koy miqrasiya anqıl və bın səmtədə huğuği əsoson ğoym kardə sənədon hıstin.
