Yunanon osmoni norohətəti
Yunanoston həyocon siqnali jedə: ımsori sıftəku yunanon tırkiyə ıştənpəron və dronon tərəfo 433 həvo marzi darışte bə ğeyd səşone ki, ımən bəsə 2025 sorisə dı kərə ziyode.
In sərhəd darıştəyon veyni bepiloton tərəfe, əmmo ıştənpəronənən kam nin, hətto çəvon tərəfo həvo canq imitasiyon hıstin.Bın koonədə tırkiyə taktika dığğəti cəlb kardedə. Bepiloton bə tırkon çe yunan HMĞ və aviasiya de minimal xarci iyən bo piloton riski reaksiya zıne imkon doydən. Dın ro tırkon yunanon oğandən: ha səfə yunanon məcbur mandən de yolə xarcon cəvob bıdon, çumçoko bepiloton bə həvo ros karde bo əvon bə 2 həzo, ıştənpər bə 20 həzo avro bə sə omeydə.Bo yunanon ın xarcon ğərəz siyosi meydonədə kompensasiya karde əlidə ro mandə ni: de kipri bə ico AŞ-də ıştə imkononku istifodə kardən ki, bə Tırkiyə təzyiğon ziyod bıkon.Tırkiyə hərbi imkonon ziyod be vəynə bo yunan qılı qədə imkone. Tırkiyəku ın həvo sərhədi darıştəyon oroxne çəş kardəni ni, çumçoko dın ro Tırkiyə ıştə reqional ekspionsionizmə və hərbi xarcon ziyod karde bəraət doydə.
