Cənob Rıvos(Lus) çe hırdə Sambuyə(dələ) həxədə fik kardedə. Pars Tudey çe Tehroni İrəm zooparkiku kəşə vıjniyə şikilon
Pars Tudey - İrəmi Zoopark çe(İroni poytaxt)Tehroni ğərbədə qıləy turistikə vırəy və bə ın vırə İroni bumiyə(və ya bə İroni ekosistemi bob bıə)heyvonon kolleksiyə daxile.
Bə İroni vəhşiyə təbyəti,beməyon iyən heyvonon nevon və çəvon təbiyi jimoni muhiti daxile
De bə 12 həzo nezi rəsəyon nevi İron çe Nezə Şərği kişfəron miyono bə həmməysə qəncinə beməyon nevon kolleksiyə malike
İroni ərazi dadə i hissəku ziyodə de vişəon puşniyə bıə.bə İroni Ətrof Muhiti Muhafizə Təşkilot statistik məlumoton əsos,dıyo ovonənədə,hışkə ekosistemonədə və daxili ovonənədə de pıştondoron,pərəndəon,dəfırsiyəon,amfibiya yəni ov iyən hışkiyədə jiyə və daxili ovon moyon bə ico,2000 nev heyvon və bə 1200 nezi moyon nev oşko bıə.
Çımonku İronədə təxminən 76 nev heyvoni nev Beynəlxalğə Təbyəti Muhafizə İttifoği (IUCN) sıə siyohiyədəy.
Tehroni zooparki torıx
Ğacari hukuməti devrədə (1796-1925-ə soron) ironıjon de Avropə zooparkon oşno bıən.İminə zoopark və ya "Məcmə Əl-Vohuş" ısətnə Sə`di kuçədə (Ekbatani xiyoboni nezi)Nasirəddin Şah zəmonədə icod kardey bıə,lakin hiç vaxt bə tam huğuğinə zooparki təbdil bıəni və bəzən çe şəhəir əhali bo kali heyvonon vindero bə həmonə zooparki şeydəbin.
Həmonə zooparki heyvonon miyono i qılə meymun,çe Şirazi bandı-kuonku çoqlə niyə iyən moə şir,Mazandıraniku seqlə bəbr,i qılə çita,Cacrudiku se qılə pələnq və Dəmavəndiku həm penc qılə hırs hestebe.
İrəmi Zoopark
Tehroni Zoopark və ya İrəmi Zoopark boTehronədə mədəniyyət icod kardey iyən iştimoiyyəti de İroni vəhşi təbyəti oşno kardey məğsədi,Həşi 1369-ə sori(1990 milodi)penc hektar əraziyədə ejə bıə zooparke. İrəmi Zooparkədə İron iyən çe dınyo co məntəğədə jiyə 121 qılə heyvoni nev jinə qrupon ğəlibədə oqətey beyde.
In zoopark çe Dınyo Zooparkçiyon Assosiasiyə nəzorəti jiyədə bıə yeqanə standartə vəhşiyə təbyəti jimoni vırəy.
İrəmi Zooparki həxədə ziyodə məlumoton bə dast vardero Pars Today vidyo reportajəda bəmə omuj bıqınənən:
