X istifodəçiyon: Amerkə fəğət hindıstonış dənıboxte, bəlkəm torixış həm dəboxte

Pars Tudey- X sosyal şəbəkə istifodəçiyon bə Amerkə prezident “Donald Trampi” sıxənon inki, Vaşinqton, Rusiyə, Hindıstonış bə Çin dəboxtəşe, reaksiya nışonış doe.

“X” sosyal şəbəkə istifodəçi ın mevzu barədə ki, Vaşiynqton Hindıston və Rusiyəş bə çin dəboxtəşe Amekə prezdent “Donal Trampi” sıxənon reaksiyadə votəşone ki, Amerkə, torixış həm dəboxtəşe. Amerkə prezdent “Donald tramp” cımə ruji qıləy postədə sosyal şəbəkəonədə de Hindıston və Rusiyə, Çini rəhbəronku de qıləy şikili bə ico iyandı kənoədə Çin Tiyancin iclosədə nıvıştışe: “bə nəzə rəsedə Hindıson və Rusiyəş de bə Çini nığıl və həməsə toykə noxtə dəboxtəmone. Jığo bıbo ki, əvon deiyandı çok iyən dırojə omə rujonışon bıbo!” bə Pars Tudey raporti əsos İroni navnə diplomat “Nasir Kənani” X” sosyal şəbəkədə votışe: “Tramp qıləy tvittədə nıvıştışe, bə nəzə rəsedə Hindısotn iyən Rusiyəmon bə Çin dəboxtəmone.” əmmo Amekə dəboxtey çimisə veye. Amekə de sədoğət nıbe, bevəcə əxloğ, ğanuni darıştey, sazışon rioyət nıkarde, iyən canq icod kardey və bə milləton ələy şərrə hərəkəton əncom doey məxsusən israyil rejimiku himoyə kardey və Fəlstinıjon qenosid kardeədə iştırok kardey, torixış dəboxtə.”

Qıləy İronıjə istifodəçi de “Şəhram Trapi” nomi həm bə İroni ələyh 12 ruj məcburiyə canqi barədə nəzəş doə və jığo nəticəş qətə: “dəvardə rujonədə Amerkə de israyili bə ico bə İroni ələyh canqış bəro dəğandə be ki, dəboxtışe. Qıləy nocıvonmerdə və hyiləynə həmlə ki, Çin və Rusiyə çəyku omutışone ki, bəpe Amerkə hyiləonku mığət bıbon və jığo hərəkəton əncom doey icozə bə Amerkə nıdən. In ağlmand bıey rujbəruj ve bedə.”

Co qılə İronıjə istifodəçi de “Seyd Həsən Musəvi” həm nıvıştışe: “ Tramp İcumləş vote inki, Hidıston və Rusiyəmon bə Çin dəboxtımone. In qədə cumlə yolə etırofe, inki, Asiyadə Amerkə nufuz kardey qıləy hane etırof.”

Co tərəfo X sosyal şəbəkə co qılə istifodəçi de “Yusif Əzizi” votışe: “xəyli heyrətine! Tramp şaki be ki, Amerkə navnə prezdent Bayden Ukrayna canqi hevuj kardey boyis be ki, Rusiyə bə Çin lovə bıkə. Isət ıştə de tarifinə canqi boyis be ta Hindıston bə Çin lovə bıkə, qıləy holədə tosə ısət zıniyəş ni Ukrayna və Rusiyə canqi bə oxo bırosno! Aya Amerkə xarici siyosətonədə ğərol qətey məntığiyə ro şedə?”

 Qıləy hindıstonıjə analitik de “Tapan Duşi” həm nıvıştışe: “Tramp Şanqhay həmkoəti təşkilotdə Rusiyə və Çini kənoədə şikilon vindeədə norohəte- ın əvəzi noə bıə İbemoni şikil qətey nışon doydə.”

Hindıstoniku co qılə istifodəçi de “Dumişra” nomi votışe: dəvordə çandə rujədə, Hindıston həyğətən ıştə stratejikə mıstəğiləti de həğiğiyə məno bə nımoyişış noə. De Çin ıştə rabitəonış çok karde. De Rusiyə rabitə çok bıey ijən təsdığış karde və Amerkə və trampi təzyiği vədə təslim nıbe.”

Amerkəvıjə istifodəçi de Deklan Mək Manus” nomi de Trampi siyosətonku tənğid kardey nıvıştışe: “ Tramp ısət Amerkəş təzyiği jiyo ğərorış doə.bə Çin Hindıstoni omujən qıniye bo Vaşinqtoni qıləy yolə ziyone. In omujən ixtisodi və hərbi nəzəku bə Amerkə ziyon bəjəne.”

“Ernesto Santiyeqo” həm de İnqilisi nıvıştışe: Amerkə təslim bedə. Qıləy yolə zumandəti vırə miyono şedə. Isət qıləy nıfrətin bıə odəmimon, bənə qıləy hırdən ki, fəğrəti devranədə dınyoku şə, ıştə niməkurədə əhotə bəmon.”

Və oxoysə inki, “Cenis Vayner” co qılə Amerkəvıjə istifodəçi həm bovəş heste: “Vaşinqton Hindıstonış bə Çin dəboxtəşe çun çəmə qıləy nəzminə siyosətımon ni.”