Zərif: Ğəzzədə xuninə hadisə beabruəkəy.
İroni xarıci vəzir Ğəzzədə xuninə hadisə vey be abroəkə vəsfış kardə.
Bə İrib raporti əsos Muhəmməd Cəvad Zərif Ğəzzə tanqədə zinə ruji xunin hadisə barədə ıştə Tuvitter səhifədə ğeydış kardə: pokə iddi şəvədə ki Musa(ə) iyən çəy yaron çı zılm və sitəmiku xilos peydo karde bə yod vardə. Zalimə siyoniston Fələstinıjə sulhtələbə etıroz əkəyonışon ki çəvon zəmino dızdiyəşone kıştən və ım vey be abro əkəy və hol ım ki əvon jıqonə ğeyri insoni, zalimanə iyən irəğçiyə vəziyətiku xilos peydo karde pidən.
Martə manqi 3 yəni sərzəmin ruji mınosibətiro zinə ruj Fələstinıjon 10 həzo nəfəriyə Aksiya bərpo be əmmo siyonist rejimi bə cəmaəti huccum karde xoto 15 Fələstine jən cıvonə şəhid iyən 1500 nəfər zəxmin bıən və hol ım ki Aksiyadə iştirok əkəyon be siloh bıən.
Ğəzzə tanqədə imdodiyə təşkilaton noxəş xonəonədə dəvo-damoni cəhətiku pıro bekəmonku xəbə dodən iyən komək tələb kardən.
