Suriyə şərğədə bomba tıpemon 18 nəfəri kışte bois be.
Suriyə şərğ Deyrozzur ostani şərğiyə məntəğəonədə i qılə maşini tıpemon 18 nəfəri kışte bois be.
Bə İrna raporti əsos ım tıpemonədə ki Deyrozur ostani şərğ Əlbəsirə məskuniyə məntəğədə vaği be Suriyə Kırdə demokratikə ğıvvon sərkərdəonku 1 nəfər və co 10 nəfər əcumlə 7 nəfər ğeyri hərbi kıştə bıən.
Ta ım zəmon hiç kəs ya qrupi ım həmlə məsuliyəti ğəbul kardəş ni.
Suriyə demokratikə ğıvvon ki Vaşenqtoni həmmə tərəfinə himoyəonku istifodə kardən, 2017-nə Oktiyabrə manqi 17, Rəğğə şəhriku DAEŞ-i bə dumu okıriye icbor karde bəpeştə ım şəhri kontrol kardən.
Im qrup de Amerkə və co həmpeymonon himoyə Suriyə şomal- şərğ və Şərğədə de təcovuzkoronə hərbi əməliyot əncom doe, Rəğə və Deyrozzur ostanonədə ıştə işğalədə bıə məntəğəon hevuj kardəşone.
Suriyədə bohran 2011-nə soriku de terroristiyə qrupon zumand be həmləonışon ki Ərəbiston, Amerkə və mıttəhıdonışon himoyət kardən bo məntəğə bərobərin dəqiş bıə bə sionist rejimi nəfe, bino bıə.
Suriyədə Bıhron 2011-nə soriku de bə Ərəbiston, Amerkə və çəvon mıttəhıdon vabəstə bıə terroristiyə qrupon hevujə huccumi əv həm məntəğədə sionist rejimi mənafe təmin kardeyro bino bıə.Suriyə ərtış tojədən de İroni mışovirəti koməkon və Russiyə himoyəon muvəffəğ bıə DAEŞ terroristiyə qrupi məhv bıkə.Co terroristiyə qrupon həm ısət suriyədə məv bey holədən.
