De İrağçi vindemonədə Bəşar Əsəd: İroni rəketi cəvob, bə deşmon vey ğoymə cəvob be
Suriyə prezdent de İroni xarıci vəzir, Əbbos İrağçi vindemonədə votışe: bə sionist rejim, İron İslom Respublika rəketi cəvob nışoş do ki muğaviməti mehvər, bə deşmoni vədə mıdofiyə kardey zumande.
Bə Fars aqentiyəti raporti əsos, zinə əsr, Suriyə prezdent, Bəşar Əsəd de İroni xarıci vəzir Əbbos Ərağçi və dəy bə ico bıə heyəti vindemonədə, məntəğə və milləti təhdidəkə behranon vədə, bə 2 qılə kişvəri miyono stratejikə rabitəon və ım rabitəon əhəmiyyəti təkidış kardə.
Bəşar Əsəd ijən Livan, Fələstin və Suriyədə de sionist rejimi vositə bə har rujnə cinoyət və ğətliam iyən molki şəxson kıştey işorəş kardə və votışe: har curnə işğol, təcavuz və ğətliami vədə muğavimət kardey, qıləy ğanuniyə həxe və ım muğavimət mərdumi imon və himoyə sayədə zumand bəbe.
Suriyə prezdent ijən məntəğə milləton ələyh bıə sionist rejimi cinoyəton vədə İroni rəketi intiğom sıey cəvobi, zumandə cəvob zınəşe və bəyonış kardə: ım həmlə bə işğolqərə sionist vey ğoymə dərs doşe, və ım dərs ım be ki muğaviməti mehvər, deşmoni mıdufiyə və çəy planon məğlub kardey zuş heste və ijən zumand və ğoym bəmande.
