Seyed Əhməd Sadat votışe: çumçiku Ərəbiston Yəməni barədə muzakirə ğəbul nibəkarde ki əvon məğlubiyəti hissi jentonədə meydonədə muvəfəğiyəton pidəşone ta de dast purti siyasi sahədə iştirok bıkən.

Im siyasəti koşınas Yəməni siyasi və hərbi vəzyəti barədə əv həm 4 sor ım bıhroniku dəvardə bəpeştə votışe: Ərəbiston de zəmini, dıyo və həvo həmlə iyən mıhosirəon  ijən de ğərbi mudern silohon, Yəməni ənsarullah muğaviməti məğlub karde pidəş be əmmo Yəməni millət iyən hərbion stajış nıbıə muğavimət çəvon planon məğlubış karde.

Asiya ğərb məntəğə barədə koşınas bə Yəməni hərbion rəkıtiyə ğudrət işorəş karde və votışe: Yəməni rəkıton diğğəti ziyod bey canqi nəticəku çəvon təcrubə nışonəy ki ısət təcavuzkaron həmmə məntəğəon hədəf ğəror doe bois bıə.

Əv təkidış karde: Ənsarullha rəkıtiyə ğudrət ısət siyasi sahədə həm çəvon dast purəti bois bəbe.

Ərəbiston de İ Bıə Ərəbon Əmirəti, Amerkə və sionist rejim iyən bəzi co mıttəhıdon 2015-nə sori Martiku bə Yəmən hərbi təcovuzi bino ijən ım kişvəri çı zəmin, osmon və dınyoku mıhosirə kardəşone.