Oqarde həx yolə aksiyaədə qıləy Fələstinıji şəhodət.
Ğəzzə tanqədə Fələstinıjon 68-nə oqarde həx nomo bıə yolə aksiya cərəyonədə qıləy Fələstinıj de sionistə hərbion sərostə qollə ğande vasitə şəhid be.
Bə İrib raporti əsos Fələstini səhiyyə vəzarətxonə de bəyaniyə sadir karde zinə Ğəzzə tanqədə oqarde həx nomo bıə 68-nə aksiya cərəyonədə 36 nəfər Fələstinıjon de sionist rejimi sə rost qolləon vasitə zəxmin beyku həm xəbəş do.
Oqarde həx nomo sulhinə etıroz aksiya de zəmin ruji həmzəman dəvarde sori Martə manqi 30ku Ğəzzə ədə bino bıə iyən dəvom kardedə.
Im aksiya detosə bə ısət 310 nəfər Fələstinıjə de sionist rejimi qollə ğande şəhid iyən 31 həzo nəfər zəxmin bıən.
Im yolə aksiya bə çəy xoto dəvom kardedə ta sionist rejimi rasizm və cinoyətkorə siyasəton xusosi Fələstin ərazi sima və obrazi əvəz karde vədə ciddi mane icod bıkə.
