Bəhreynədə insonə həxon bevəcə vəziyət.
Ozodəti və bəşər həxon himoyə əkə beynəl xalğ mərkəz Bəhreyn rejimi bənə Fars dıyo həmkari şura kişvəron cəmədə bıə bəşər həxon vey rioyət nıkə kişvər elanış karde.
Bə həminə raporti əsos, təsdiğ bıə ki İ Bıə Milləton Təşkilati bəşər həxon şuraədə Bəhreyni uzviyət, ım kişvərədə insonə həxon rioyət karde prossesədə hiç təsirış nıbe.
Im raportədə Bəhreyni podşoh siyasəton xusosi bəşər həxon mudafiə əkəyon və fəalə şəxson vədə məhdudiyət və repressivə hərəkəton, ım kişvərədə bəşər həxon rioyət nıkarde nımunə ğeyd be.
Ozodəti və bəşər həxon himoyə əkə beynəl xalğ mərkəz Bəhreyni kraliku tələbış karde ki Bəhreynədə bə milləti həx huğuğon ehtırom noe çərçivədə rəftor bıkə.
Tojədən xəbə ome ki Bəhreyni əmniyyətiyə ğıvvon 6 nəfər əcumlə məşhurə şiə ruhani Səid Ələsfor iyən Həməd şəhri qıləy əzodorəti heyəton yol Cəvad Əsədşon Məhərəmə manqi əzodorəti mərasimədə iştirok karde xoto dəstqir kardışone.
Məhərəmə manqi mərasimon har sor Bəhreynədə şiddətinə əmniyyəti tədbiron voyə məhdudiyəton jentonədə bərpo bıdə.
