Qeneral Səlami: ballestik rəketon çı İroni mudafiyə ğudrəti vey yolə nəticəonin.

İroni Sepah təşkilati fərmondə votışe: ballestik rəketonku istifodə karde ki okianədə bıə hədəfon məhv karde bəznın bo İron qıləy yolə hərbi imtiyaze.

Bə İrna raporti əsos, qeneral Səlami İroni mərkəzədə Peyğombər Əzəm15 nomo rəket hərbi manevri dəvoniye cərəyonədə əlovəş karde: ım muhimmə hərbi təlimi dəvoniyeyku qıləy hədəf ıme ki dıştə ballestik rəketon vositə bə okiyan və beynəlxalğ ovonədə bıə hərbi kəştion həmlə karde xoto ıştə ğabiliyyəti bə dışmenon nışo bıdəmon.

Sepah təşkilati fərmondə votışe: dıyoədə məmulən de kamə surətış bıə rəketon bə hərəkət kardə hədəfon həmlə bıdə əmmo İron de ballestik rəketi okiyanədə bıə hərəkət kardə rəketon hədəf qəte bəzne ki ım çı Sepah təşkilati aviyasiya ğıvvon muvəffəğə təcrobəy.

Səlami təkidış kard ki ım manevrədə test bıə ballestik rəketon çı İroni rəket ğudrəti i baxş be ki real meydonədə əy tikror karde bəbe.

İroni Peyğumbər Əzəm 15 hərbi rəket manevr de dron əməliyaton iyən muasir rəketon testi İroni mərkəzi məntəğonədə dəvom kardedə.