İron və İraği miyono bıə əloğəon miyono coəti eğande nibəbe.

İroni məhkəmə sistemi rəis İron və İraği milləti əloğəon miyono coəti eğande namumkin zıneydə.

Bə İrib raporti əsos, Seyd İbrahim Rəisi zinə Bəğdadədə de İraği milləti vindımoni cərəyonədə votışe: İroni milləti fik və nəzədə İraği millət həmonə cəmaət və millətin ki Huseyn(ə)-i Ərbəinədə de ojə kəşi əvoni mehmondorəti kardən.

İroni məhkəmə sistemi rəis bə İron və İraği milləton miyono bıə rişədorə torixi əloğəon işarəş karde və votışe: İrağədə mərcəiyət həmmişə de istikbor, terrorizm və istemori mubarizə barde meydonədə navdəşə be.

Seyd İbrahim Rəisi  təsdığış karde: ciqə mandə kuçəkə toyfon, ərtış və hərbi təşkilat, Həşduş-Şəbi, muğavimət qurupon, mərkəzi polis, iyən pişmərqə kırdə mubarizə əkan de co ğıvvon qırd İraği əmniyəti oqəte və de terrorizm mubarizə barde meydonədə muhimmə roli ifo kardedən.

İroni məhkəmə sistemi rəis Seyd İbrahim Rəisi ki de İraği məhkəmə ali şura rəis Faiğ Zeydani rəsmi dəvət qıləy 3 rujə səfəri çərçivədə bə İrağ varid bıə be ımruj sıb bə İron oqardışe.