İraği muğavimət qruponku qıləyni bə Mosulədə bıə Tırkiyə hərbi baza həmləş karde.

İraği Əshabul-Kəhf muğavimət qrup bə Tırkiyə təcavuzi reaksiya nışo doe xoto zinə bə Musolədə bıə Tırkiyə qıləy hərbi baza həmləş karde.

Bə Saberin niyuz mərkəzi raporti əsos, İraği Əshabul-Kəhf muğavimət qrup ıştə ım həmləku xəbəş do.

İraği Nucəba muğavimət qrupi xəbə mərkəz həm elanış karde ki İraği Əshabul-Kəhf muğavimət qrup həminə həmlə məsuliyəti ğəbulış karde və bəyoniyə vositə votəşe ki: İraği hırdənon və bıvəon ımruj bə işğalçion qıləy hərbi baza həmlə kardəşone.

Ğeyd kəmon ki bə Musolədə bıə Tırkiyə qıləy hərbi baza həmləon çı Ankara TRT xəbə saytədə həm ğeyd bıə be.

Çəy bə peşt ki Tırkiyə elanış karde ki İraği əraziədə tojə hərbi əm

liyaton əncom doış pidə İraği muxtəlif hərbi muğavimət qrupon bə tırkiyə təcavuzi reaksiya nışo doeyro ıştə ciddi ğəroliku xəbəşon do.