Xətibzodə: İron və məntəğə əmniyət bə İraği əmniyəti vabəstəy.

İroni xarıci vəzorətxonə sıxanəvot votışe: İrağədə bıə əmniyət çı İron və məntəğə əmniyəti qarantiyə əkəy.

Bə İrna raporti əsos, Səid Xətibzodə, İraği dəvardə rujon hodisəon barədə təsdiğış karde: İron həmmişə çı İraği əmniyətiku himoyədorəti kardedə və har hərəkət ki həminə prinsipi vədə bənə təhdid bıbu de şiddəti məhkum kardənine.

Xətibzodə əlovəş karde: İrağ, məntəğədə çok və fəaalə roli ifo kardey kənoədə daxıli koonədə həm bə inkişof şedə əmmo bəzion de tepemon, terrro və noəmnion həminə hədəfi bə vırə rəse vədə mane icod karde holədədn.

İroni xarıci vəzorətxonə sıxanəvot bə həminə noktə işarəş karde ki İroni nəzəku İrağ de diğğət bəştə zərfiyəti əsos karde bəzıne həminə saxtə şərayetiku dəvardo votışe: İron və məntəğə əmniyət bə İraği əmniyəti vabəstəy və əmə ıştə dust iyən bıvə kişvər, İrağiku himoyədorəti kardeyku dast nıbəkəşımon.