İraği şimolədə Tırkiyə təcavuz dəvom kardedə.

Tırkiyə mudafiyə vəzir İraği şimolədə bıə Tırkiyə hərbi əməliyaton nəticədə çandə çı PKK qurupi uzvon kıştə beyku xəbəş do.

Bə İrib raporti əsos, Tırkiyə mudafiyə vəzir, de qıləy bəyoniyə sadir karde vositə, elanış karde ki İraği şimolədə de PKK qrupi mubarizə barde əməliyoton cərəyonədə təğribən 105 nəfər çı PKK qurupi uzvon kıştə bıən.

Xulusi Akar votışe: ımsornə miladi sori əvvəliku tosə bə ısət həm de Tırkiyə hərbi əməliyoton vositə 1056 nəfər çı PKK uzvon kişvəri daxil iyən xaricədə kıştə bıən.

İraği şimolədə çı Tırkiyə anti PKK tojə əməliyaton məntəğəku Kırdon diyə ro və pok karde xoto bino bıə iyən həmçenan dəvom kardedə.

Bə İrağədə bıə PKK qrupi uzvon Tırkiyə həmləon qıləy şərayetədə dəvom kardedə ki İraği rəsmi şəxson vey kərə həminə həmləon məhkum kardəşone və çəy dəvomi bənə İraği ərazi təmamiyət və hakımiyəti poymol karde nımonə bə hisobışon varde.

40 sor bəbe ki Tırkiyə iyən PKK miyono daveon dəvom kardedə.