İraği şimolədə Tırkiyə təcavuz dəvom kardedə.

Tırkiyə mudafiyə vəzorətxonə İraği şimolədə bıə Tırkiyə hərbi əməliyaton nəticədə 4 nəfər çı PKK qurupi uzvon kıştə beyku xəbəş do.

Bə İrib raporti əsos, Tırkiyə mudafiyə vəzorətxonə, de qıləy bəyoniyə sadir karde vositə, elanış karde ki İraği şimolədə de PKK qrupi mubarizə barde bombardımon əməliyoton cərəyonədə ki Qarayədə əncom bıə təğribən 4 nəfər çı PKK qurupi uzvon kıştə bıən.

Bəyoniyə dəvomədə ğeyd bıə: Tırkiyə hərbiçion muvəffəğ bıən PKK terrorçion təcavuzi vəy ğəteyro de hərbi əməliyoton vositə Suriyədə həm ın qurupi uzvon vədə mane bıbun.

Çimi bənav təsdiğ bıə ki co əməliyoti cərəyonədə həm 5 nəfər çı PKK qrupi uzvon tırkiyə hucumədə kıştə bıə bin.

Bə Suriyə iyən İrağədə bıə PKK qrupi uzvon Tırkiyə həmləon qıləy şərayetədə dəvom kardedə ki ın 2 qılə kişvəri rəsmi şəxson vey kərə həminə həmləon məhkum kardəşone və çəy dəvomi bənə beynəlxalğ ğanun iyən milləton ərazi təmamiyət və hakımiyəti poymol karde nımonə bə hisob vardəşone.

40 sor bəbe ki Tırkiyə iyən PKK qurupi miyono daveon dəvom kardedə.