İraği şimolədə Tırkiyə təcavuz dəvom kardedə.

Tırkiyə mudafiyə vəzorətxonə İraği şimolədə bıə Tırkiyə hərbi əməliyaton nəticədə 3 nəfər çı PKK qurupi uzvon kıştə beyku xəbəş do.

Bə İrib raporti əsos, Tırkiyə mudafiyə vəzorətxonə, de qıləy bəyoniyə sadir karde vositə, elanış karde ki İraği şimolədə de PKK qrupi mubarizə barde bombardımon əməliyoton cərəyonədə ki Avaşin iyən Xəvakurk məntəğəonədə əncom bıə 4 nəfər çı PKK qurupi uzvon kıştə bıən.

Bəyoniyə dəvomədə ğeyd bıə: Tırkiyə hərbiçion muvəffəğ bıən PKK terrorçion təcavuzi vəy ğəteyro de hərbi əməliyoton vositə ın qurupi uzvon vədə mane bıbun.

Tırkiyə cənub şərğ Şirnak Ostanədə həm ın kişvəri hərbiçion mıvəffəğ bıən ki çand nəfər çı PKK qurupi uzvon bıkışton.

Bə Suriyə iyən İrağədə bıə PKK qrupi uzvon Tırkiyə həmləon qıləy şərayetədə dəvom kardedə ki ın 2 qılə kişvəri rəsmi şəxson vey kərə həminə həmləon məhkum kardəşone və çəy dəvomi bənə beynəlxalğ ğanun iyən milləton ərazi təmamiyət və hakımiyəti poymol karde nımonə bə hisob vardəşone.

40 sor bəbe ki Tırkiyə iyən PKK qurupi miyono daveon dəvom kardedə.