İraği şimolədə Tırkiyə təcavuz dəvom kardedə.

Tırkiyə mudafiyə vəzorətxonə İraği şimolədə bıə Tırkiyə hərbi əməliyaton nəticədə 2 nəfər çı PKK qurupi uzvon kıştə beyku xəbəş do.

Bə TRT raporti əsos, Tırkiyə mudafiyə vəzorətxonə, de qıləy bəyoniyə sadir karde vositə, elanış karde ki İraği şimolədə bıə Ğara nomo məntəğədə de PKK qrupi mubarizə barde hərbi əməliyoton cərəyonədə 2 nəfər çı PKK qurupi uzvon kıştə bıən.

Tırkiyə hərbiçion iyonə manqədə ijən həminə məntəğədə 10 nəfər çı PKK qrupi uzvon kıştə bıə bin.

İraği şimol Mətina məntəğədə bıə Tırkiyə dronon hucmədəd həm çı PKK qrupi uzvonku i nəfər kıştə bəy.

Bə Suriyə iyən İrağədə bıə PKK qrupi uzvon Tırkiyə həmləon qıləy şərayetədə dəvom kardedə ki ın 2 qılə kişvəri rəsmi şəxson vey kərə həminə həmləon məhkum kardəşone və çəy dəvomi bənə beynəlxalğ ğanun iyən milləton ərazi təmamiyət və hakımiyəti poymol karde nımonə bə hisob vardəşone.

40 sor bəbe ki Tırkiyə iyən PKK qurupi miyono daveon dəvom kardedə.