İraği şimolədə Tırkiyə təcavuz dəvom kardedə.
Tırkiyə mudafiyə vəzorətxonə İraği şimolədə bıə Tırkiyə hərbi əməliyaton nəticədə 9 nəfər çı PKK qurupi uzvon kıştə beyku xəbəş do.
Tırkiyə Səbah rujnomə, ın kişvəri mudafiyə vəzorətxonə nəğliku elanış karde ki İraği şimolədə bıə məntəğədə de PKK qrupi mubarizə barde hərbi əməliyoton cərəyonədə 9 nəfər çı PKK qurupi uzvon kıştə bıən.
İjən Avaşin məntəğə təyyorəon bombardımoni cərəyonədə həm 2 nəfər PKK uzvon tırkiyə hucumi nəticədə kıştə bıən.
Tırkiyə nəzəku PKK qıləy terroristi qurupe.
Bə Suriyə iyən İrağədə bıə PKK qrupi uzvon Tırkiyə həmləon qıləy şərayetədə dəvom kardedə ki ın 2 qılə kişvəri rəsmi şəxson vey kərə həminə həmləon məhkum kardəşone və çəy dəvomi bənə beynəlxalğ ğanun iyən milləton ərazi təmamiyət və hakımiyəti poymol karde nımonə bə hisob vardəşone.
In həmləon nəticədə çandə çı İrağ və Suriyə ğeyri hərbi kırdon avarə bıən.
40 sor bəbe ki Tırkiyə iyən PKK qurupi miyono daveon dəvom kardedə.
