İron bə məntəğə vey muhim iyən təsirinə kişvəri təbdil bey bəzıne.

İroni islami şura parlamentədə bıə Ermənion nımoyəndə votışe: Rusiyə və Çini kənoədə İron həm karde bəzne bə məntəğə vey muhimmə kişvəri əvəz bıbu.

Bə Erməni Rədio raporti əsos, Ara Şaverdiyan bə Rusiyə iyən Ukrayna miyono canqi vey muhimmə nəticəon işorəş karde iyən votışe: Avropa iyən Amerkə anti Rusiyə sanksu=iyaon nəticədə İron iyən Rusiyə miyono əloğəon bə tojə fəsli varid bıə, çən İron karde bəzne Rusiyə və çini kənoədə bənə rüqional ğudrəti əvəz bıbu ki ın məsələ bə İroni roli əlovə karde bois bəbe.

İron və Ermənistoni parlament dustiyəti kamisiya rəis ijən bə İron və Ermənistoni miyono bıə əloğəon inkişofi təkidış karde: 2 qılə kişvəri miyoni ticorəti miğdor bə 600 milyon dollar rəsə.

Əv əlovəş karde: İron iyən Ermənistoni miyono iştimaii və mədəni həmkarionro həm mısbətə ğədəmon peğətə bıə iyən bo İron Erməniston bənə qıləy mislış nıbıə parde ki İroni bə Avrasiya iyən Avropa rosniyeyro muhimmə roy.