Xuzıstani marzonku, 13 həzo nəfəriku vey İroni zairon xarıc bey.
İroni Cənub ğərb, Xuzıstani ostan nəğliyot iyən tranziti yol xəbəş do ki: ım ostani marzonku, 13 həzo nəfəriku vey İroni zairon xarıc bin.
Imruj yəkşəmbə Hicri Ğəməri 1444 minnə sori Məhərrəmə manqi 9 minnə (Miladi 2022 minnə sori Avqustə manqi 7 minnə) ruj de Tasuaye Huseyni(ə) ruji bərobəre.
İroni Cənub ğərb, Xozıstani ostan caddə nəğliyot iyən tranziti yol, Muhəmməd Colanejad, de İSNA votımonədə votışe: Muhərrəmə manqi iminnə rujiku tosə 8 minnə ruj, Şələmçə və Çəzzabə marziyə vırəcoonku, 13 həzo 469 nəfər İronıjə zair xarıc bıən.
Colanejad ijən əlovəş do: həmçınin, həminə marzonku, 6 həzo 471 nəfər zair həm varid bıən.
Bə de İraği aliyə rəsmi şəxson əncom bıə təvafuğon əsos, ğəror bıə 2 sori bəpeşt, Ərbəin mərosimi iştirokiro, Ərbəine Huseyni(ə) zairon be vizə bə Nəcəf iyən Kərbəlo varid bıbun.
Proqonoz bəbe ki ımsor və Ərbəine Huseyni zəmonədə, Xosrəvi, Mehran, Çəzzabe və Şələmçə marzonku 5 milyon zair bə İraği muğəddəsə şəhron varid bıbun, ki ım miğdoriku 2 milyon zair Çəzabə və Şələmçə marzonku varid bəben.
Hicri Ğəməri 1444 minnə sori Səfərə manqi 20 minnə ruj(Miladi 2022 minnə sori Sentiyabrə manqi 17 minnə ruj), de dınyo şiəyon 3 minnə İmom, İmom Husein(ə) və çəy bəfodorə əshabon şəhodətə ruji sorəqardışi bərobəre. Həminə rujədə iyən Ərbəine Huseyni mərosimədə iştirokiro, çand milyon zair bə İraği cənub bıə Kərbəlo şəhri varid bəben.
Dəvardə soronədə, mısılmonon və vo İlahi dinon tərəfdoronku kali, bə İmom Huseyn(ə)-i şəhodətə Ərbəini çand ruj mandə, de şemoni royku Nəcəf iyən İraği co şəhronku ıştəni bə Kərbəlo və İmom Huseyn(ə)-i pokə hərəm rosniyedən.
