Ğəzzədə muğaviməti rəketi test karde

Ğəzzə tanqədə Fələstini muğavimət, bə meditəranə dıyo səmti, çand qılə rəketi vığandeyku xəbəş do.

Bə Şəhab Niyuz xəbəiyə mərkəzi raporti əsos, canqi hozzoəti çərçivədə, de hərbi zumandəti bə inkişof rosniye və çəy diğğəti əlovə kardey hədəfi iyən test cəhəto, bə Miyonə dıyo ya həmonə Meditəronə dıyo səmti, Fələstini muğavimət çand qılə rəketi vığandeşe.

Bə həminə raporti əsos, Fələstini muğavimət de sionisti işğolçiyə rejimi ehtımoli harcurnə dim bə dimətiro ıştəni hozzı kardey cəhəto, əlovə bə muhimmə mesaji vığandey, har çand vaxt ikərə və dıvrə surətədə, Ğəzzə tanqə sahilonku ıştə rəketi teston tikror kardedə.

Co qılə xəbə həm ıme ki, zinə sionist rejimi televeziya 14 minnə kanal, Cenini ğərbədə bə Hinanit nomo bıə sionisti qədə şəhrədə muğaviməti canqəkəyon qullə ğandeyku xəbəş do.

Fələstini mənbəon həm Babul-Əsbat məntəğəku bə Məçituləğsa varid bey nezədə, işğaliyə Ğudsi kanə baxşədə de sionist rejimi hərbiçion himoyə vositə çı sionist qədə şəhron sakinon həmləonku xəbəşon do.

Məçituləğsa bənə beytulmuğəddəsə şəhri islami-Fələstini şəxsiyəti vey muhimmə simvoli, həmişə de Ğuds işğalçiyə rejimi vironəkə hərəkəton vositə təhdid bidə.