Bo Suriyə ğeyri hərbionro Rusiyə humanitarə koməkon vığandə bən.

Suriyə Həmimim məntəğədə bə otəş basti nəzorət əkə Rusiyəvıjə mərkəz bo Suriyə ğeyri hərbionro Rusiyə humanitarə koməkon vığandəku xəbəş do.

Bə Əlaləm kanali raporti əsos Suriyə Həmimim məntəğədə bə otəş basti nəzorət əkə Rusiyəvıjə mərkəz elanış kardə: çı Rusiyə qıləy məxsusə təyyarəon ım 20 ton bıə humanitarə koməkon Suriyə şərğ məntəğədə bıə Deyr Əlzur sakinon miyono paybaxşış kardə.

Bə həminə raporti əsose i ruji mıddətədə bə 7 qılə nezi humanitarə koməkon Hələbədə bıə Təşrin, Ğazi Əskər, Məadi, Belat və Şeyx Məğsudədə paybaxş bıə.

Bə Rusiyə mənbəon xəbəon əsos 1 ton nun, 300 tatə xorək və 650 qılə co xorəkiyə məcmoəon həm Hələbədəə bıə Həy Əlsəlmaniyə məholi sakinon miyono paybaxş bıə.

Ğeyd bıkəmon ki Suriyə hərbiyə ğıvvon Yanvari oxonə rujiku Hələbi ostanədə qıləy yolə əməliyati binoşon kardə ki detosə bə ısət çandə ım ostani diyon və şəhronışon çı Daeş və co terroristiyə qrupi dastiku ozod bey boyis bıə.