İronədə sərmoyə noeyro Ğətəri meyl
İroni ticorət inkişof təşkiloti rəyis, İronədə sərmoyə noeyro, Ğətəri hozzoətiku xəbəş do.
Bə Mehr aqentiyəti raporti əsos, Əlirıza Peymanpak Tehronədə bıə İron-Ğətər ticori yolə iclosi kənoədə bə İroni tojə dıvləti siyasəton de hamsuyə kişvəron ticarəti inkişof doe cəhəto işorəş karde və votışe: Ğətər bənə həmonə kişvəronku heste ki vey soron həm siyasi və həm reqional cəhəto de İron nezə əloğəonış be və bəbe ticori-iğtisodi fırsətonku həminə cəhəto istifodə kəmon.
Əv bə qazi Opek təşkilot iyən Fars dıyo şuraədə bıə Ğətəri uzviyəti işorəş karde iyən votışe: həminə zərfiyətiku bəbe ozodə ticorəti inkişof doey cəhəto istifodə bıbu.
İroni ticorət inkişof təşkiloti rəyis təkidış karde: de diğğət bə İRon və Ğətəri rəsmi şəxson irodəon, xususi nat və qaziku bəkəno bıə baxşonədə vey rə 2 qılə kişvəri miyono ticari həmkoəti və əloğəon inkişofi fikədəmon.
Tehronədə İron və Ğətəri investoron ticari-iğtisodi 2 rujə iclos zinə bino bıə.