Pars Today

İnsonə həxon diyə əkə təşkilat elanış kardə ki bə Yəməni xoninə hucumon cərəyonədə Ərəbiston çı Amerkə bombaon və rəketonku istifodə kardedə.

Bə Əlaləm kanali raporti əsos ım təşkilat qıləy raportdə və Yəməni Ərhəb məntəğəku diyə karde cərəyonədə bombaon nışonəonədə çandə çı Amerkə silohon və rəketonış peydo kardə.

İnsonə həxon diyə əkə təşkilat Amerkə kişvərış Yəmənədə çı Ərəbistoni cinoyəton şerkət hisobış kardə və təkidış kardə ki siloh və rəketon bə kəno Amerkə i tərəf bə Ərəbistoni hərbi təyarəon vəşımon dodə və co tərəf çandə cəsusi və informasiya sahədə Ərəbistoniku himoyə kardedə və ım yəni Ərəbiston və Amerkə de yande bə i co Yəmənədə bə cinoyəton dəvom dodən.

Ğeyd bıkəmon ki ım təşkilat çımiku bə nav həm çand kərə Ərəbiston və Amrkə miyono jıqonə həmkarion barədə xəbəon ifşaş kardə bıə.

Xəbə omə ki Donald Tramp bə Ərəbiston çımiku vey siloh həvatey xoto bə məntəğə səfər bəkarde ijən 2 qılə kişvəri rəsmion həm tojə silohon həvate xoto zəminəon hozzo karde holədən.

Tojədən Ərəbistoni rəsmion həm de Amerkə bə i co bə İroni əleyh fobiya siyasəton dəvom dodən.