Bəhreyni fevral 14 nomo bıə inğilabi cıvonon onemon çın kişvəri millətiku dəvətış kardə ki bə Ali Xəlifə siyasəton etıroz kardero ijən qıləy əzəmətinə sorətədə çın kişvəri yolə alim Şeyx İsa Ğasımi ozodəti tələb karde xoto qıləy yolə etıroz aksiyaədə huzurışon bıbu.

Bə Təsnim aqentiyəti raporti əsos Bəhreyni fevral 14 nomo bıə inğilabi cıvonon onemon ıştə bəyoniyədə ımrujnə etıroz aksiyadə huzuri şuaron "fidokaron təslim ni bəbın" elanışon kardə ijən millətiku pidəşon bən ki ım aksiyadə əzəmətinə huzurışon bıbu.

Im etıroz Aksiya həmonə bərnoməonku qıləy ni heste ki bə Şeyx İsa Ğasımi himoyədorti kardero bərpo bıdə ta cəmoət bo Mayə manqi 21 minə ruji məşhurə aksiyaro ıştəni hozzo bıkən.

Ali Xəlifə rejimi məhkəmə ki ğəror bıə çı Şeyx İsa Ğasımi oxonə hukmi əv həm de be əsosə puli fəsodon bevəcə ittihamon sadir bıkə ujnən de umumi fikon fişaron bərobər ım hukmi elan karde bə domoş noə.

Ğeyd bıkəmon ki Bəhreynədə miladi 2011 minə soriku millət ıştə etırazışon bə Ali Xəlifə cinoyəton və siyasəton əleyh binoş kardə əmmo Bəhreyni diktatoriyə rejim de Ərəbiston və i bıə Ərəbon Əmirti koməki vasitə milləti sərkob və dəstqir kardedən.