İslamiyə alimon beynəl xalğiyə i bemoni rəis çı ərəbi və islamiyə alimon iyən cəmaətonku tələbış kardə ki Amerkə səfarətxanə bə Ğuds ovoştoniye barədə bə Vaşenqton etıroz kardero ğiyam bıkon.

Bə Fələstin məlumat ərosnə mərkəzi raporti əsos Əli Ğərədaği qıləy bəyoniyədə elanış kardə çı Amerkə ım ğəroli məno bə mısılmonon i minə ğeblə təcavoz karde heste ki mısılmon və ərəbə umməton bəbe çəy ğafil nıbun boçi ki ım qıləy zəlil əkə sukute.

İslamiyə alimon beynəl xalğiyə i bemoni rəis təsdiğış kardə: islami və ərəbiyə rəsmi yolə şəxson bəbe ıştə iğtisodi və diplomatik zərfiyətonku Vaşenqtoni vey qətero istifodə bekon.

Ğərədaği votışe: Amerkə səfarətxanə Telaviviku bə Ğuds oştoniyə de mısılmonə umməti canq və mubarizə mənodəy.

Tojədən Suriyə xarıci vəzarətxanə həm Trampi ım ğəroli məhkumış kardə ijən qıləy bəyoniyədə Vaşenqtoni jıqonə hərəkətonış Fələstino barde çı həmmə ğətnoməon ləğv karde zınəş be.

Suriyə xarıci vəzarətxanə bəyoniyədə ğeyd be ki ğərol de ərəbə umməti deşmənti karde ijən bə siyonist rejim xoş xidməti karde mənodəy.