İron və Hindıstani miyono 2 tərəfiyə əloğəon inkişof.

İroni xarıci vəzir Muhəmməd Cəvad Zərif ımruj sıb bə Hindıstani paytəxt varid bey faxti bə İron və Hindıstani miyono 2 tərəfi əloğəon inkişof xusosi ticarət və siyasiyə həmkarion təkidış kardə ijən omidvar be: İron və Hindıstani miyono rabitəon bənə dəvardə əsrəon məxsusən enerji sahədə bə inkişofi tərəf hərəkət bıkə.

Bə İrna raporti əsos İroni xarıci vəzir əlovəş kardə: ticarət və nəğliyat sahədə həm vey çokə zərfiyəton hestin və de diğğət bə Hindıstani siyasi və iğtisodiyə vırə 2 qılə kişvəri miyono həmkarion vey çokə səthədəy.

Muhəmməd Cəvad Zərif ıştə ım səfəri bərnoməon bardə həm votışe: de Hindıstani xarıci vəzir ətomiyə təvafuğ iyən ım təvafuğiku Amerkə xarıci bey barədə komilə sohbət bəkam iyən jıqonə muzakirəon de muxtəlifə kişvəron dəvom peydo bəkay.

Amerkə prezident bə İroni əleyh be əsosə ittihamon bəyon karde vasitə ətomiyə təvafuğiku xaric bey və detosə 6 manqi mıddət ijən sanqsiyaon oqarde elanış kardə.

Im elani bəpeştə Mayə manqi 25 viyanadə bə amerkə huzuri ətomiyə təvafuği mıştərəkə kamissiya iclos bərpo be boçi ki sıvoy İron vo 5 qılə kişvəron ım təvafuği oqəte fikədən.