Ğudsi Ruji tarixiə əhəmiyyət
"Arannevvs.com" sayt xəbə dodə ki, Ğum şəhəri yolə mərcəye -təğlid Ayətullah Cavadi Amuli çe islami umməti Ğudsi Ruji şemoni əhəmiyyəti həxədə jıqo votəşe: "Muxtəlifə xalğə izdihami Umumdınyo Ğudsi Ruji şemonədə iştirak bə Fələstini məzlumə xalqi zu doə, zulm və zolımkari isə zəif eğandə əməle".
Diqər yolə mərcəye-təğlid Ayətullah Cəfər Subhani şəhrıvandon bə Umumdınyo Ğudsi Ruji şemonədə iştirak dəvət kardəşe, votəşe ki, İsrail 70 sorisən veye ki, mısılmonon iminə ğıbilə işğal kardə qıley vəxminə pandome.
Az.R ruşinəfikr odəmonən Ğudsə Ruji əhəmiyyəti barədə barzə fikron votəşone. "Ğələm" Ənıvışton İbemoni sədr Ğurban Cəbryıli ğeyd kardəşe ki, " Tarix Ayətillah Xomeyni (r.ə) 36 sor bə nav doə jıqo diərovində məsləhəti əhəmiyyət subut kardəşe. Ğudsi Ruj ımrujən bo mısılmonə umməti vəhdəti, bə təcavizkarə rejimon əleyh mubarizədə məzlumə xalqon muğaviməti zumand və mutəşəkkil kardedə ıştə əhəmiyyətış qin kardəni.
İslami məhbuson Mudafiə Komitə və Azərbaycani Ruşinəfikron İbemoni sədr Eldəniz Ğuliyevi bəyon kardəşe ki, " zolımon vədə onıkırie, bə məzlumon peştəvon bıe roədə bə vəhdət ome çe Ğudsi Ruji noə ali qıley tələbe. Beynəlxalğə Ğudsi Ruj bə təcavizkar, işğalqərə siyasəti əleyh mucadilə kardə ruje. Mutərəqqi əhvolinə har qıley insoni ğarze ki, ım mubarizədə fəal iştirak bıko."
