Salehi de Quttreşi vindemonədə: ətomiyə sazışi barədə Avropa təklifon bo İroni intizaron vəs ni.
Zinə Osloədə İroni ətom enerji təşkilati rəis Əli Əkbər Salehi de İ Bıə Milləton Təşkilati rəis Antoniyo Quttreşi didor karde.
Bə İrna raporti əsos, Salehi ım vindemonədə ətomiyə sazışi vədə çı Amerkə tojə siyasiyəton vey bevəcə rəftor zıne kənoədə, bə ım kişvəri nakonə zəmonədə əncom bıə jığonə rəftoron işorəş karde iyən cariyə şəroyeti səyədə ətomiyə sazışi oqəte barədə ıştə şək-şubhə elan karde bəpeştə, bo İron İslami Respublika intizaron təmin kardeyro Avropa ittifoği təklifon vəs zınəş nıbe.
İroni ətom enerji təşkilati rəis iğtisodi, banki və sərmoyə noe sahəonədə ətomiyə sazışiku bə dast omə nəticəon intizoronku vey kam zınəş be və təkidış karde: ətomiyə sazışi himoyə əkəyon əcumlə İ Bıə Milləton Təşkilat və Avropavıjon bəpe Amerkə prezident Donald Trumpi siyosəton vədə mığovimət bıkən.
Im vindemonədə Qotreş ojə-oşko ətomiyə sazışiku himoyədorətiş karde iyən bo ım beynəl xalğiyə muğavilə oqəte bə mandə kişvəron miyono 2tərəfiyə muzakiron işorə və əlovəş karde bo dınyo stabiləti oqəte ətomiyə sazış lozime.
İ Bıə Milləton Təşkilati sədr, Avropa ittifoğiku İroni iğtisodi və siyasi bıə intizoron məğbul iyən çı İroni həx hisobış karde və votışe: nezə fırsətədə ijən ətomiyə sazışədə mandə kişvəronku çı İroni intizoron de ciddi irodəon təmin karde tələb bəkam.
Trump Mayə manqi 8 de bə İroni zidd beəsosə ittihamon tikror karde, ətomiyə sazışiku Vaşenqtoni xarıc bey ijən dətosə omə manqon ətomiyə sanksiyaon oqardey elanış kardə.
Beritaniya, Fransə, Russiyə, Çin, Almaniya və Avropa ittifoğ bənə ətomiyə sazışədə bıə co kişvəron əmmo elan kardən ki ım beynəl xalğiyə muğaviləku himoyədorəti bəkan.
Eyni holədə ətomiyə sazışiku Amerkə xarıc bey bəpeştə İron və Avropa bo ım beynəl xalğiyə muğavilə oqəte sohbəton çand vaxte ki bino kardəşone.
