Bəşar Əsəd:millət Suriyə devlətiku himoyə kardə.
Suriyə prezidenti votışe:ğərbion iddaonku kəno millət Suriyə devlətiku himoyə kardən və həminə məsələ xoto çəy ğıvvə dəvomış heste.
Bə telerədyo aqentəti xəbon əsosi Bəşar Əsəd de Amerkə NBC TV kanali təşkil doə votımonədə elanış ka Suriyə devlət de terroriston mubarizə barde holədəy və İnqiltərə ,Fransə,Amerkə və məntəğə bəzi məmləkəton bəvonku himoyə kardən əmmo Suriyə devlət de terroriston mubarizə bardeədə milləti himoyəku bəhrə bardə.
Bəşar Əsəd əlavəş karde heç qılə məmləkəti himoyə Suriyə milləti himoyə vırə əqət ni ,ğərb canqış de zu bə Suriyə qiş noə və terroristiyə qruponku himoyə kardə.
Bəşar Əsəd de Rusiyə əlağə həxədə votışe:Suriyə 60 sorisə veyə mıddəte ki de Rusiyə çokə əlağəş heste və Maskva ım mıddətdə de zu ıştə nəzəron bə çəmə qi noeyu hərəkətış kardə ni əmmo həmmə devləton miyonədə nəzəron iyən fikron ixtilaf həmmişə mışohidə bə və ım kamilən qıləy təbiiyə məsələy.
Suriyə prezidenti votışe:nəhaiyə ğərol suriyədə təşkil bəbe və ım nəhayətdə suriyəvıjon tərəfo qıləy ğərole ki Suriyə devləti tərəfo təşkil bedə və heç kəs ım məsələ şək-şubhəş nıbo.
