İ Bıə Milləton Təşkilati Aliyə komissar votışe: bə xarıciyə şahrvandon xıdmət karde baxşədə İron muvəffəğ əməlış kardə.
İronədə mıhociron koonədə İ Bıə Milləton Təşkilati Aliyə komissarəti idarə mıvəğğətə rəis votışe: İronədə bə xarıci şahrvandon vey erjinə edaştə bıə xıdməton karde bəzne ki bo co kişvəron bənə ulqu bıbu.
Bə İrna raporti əsos, İronədə mıhociron koonədə İ Bıə Milləton Təşkilati Aliyə komissarəti idarə mıvəğğətə rəis Xanım İrina Koreniak, İroni mərkəz, Kerman şəhrədə bıə qıləy texniki və sənətkoi tədrisi mərkəziku 11 qılə kişvəron diplomatikə heyəton və İ Bıə Milləton Təşkilati Aqentiətion vindemoni cərəyonədə əlovəş karde: Kermanədə bə xarıciyə şahrvandon xıdmət karde metod karde bəzne ki co məntəğəonədə bənə ulqu istifodə bıbu.
Koreniak bə Əfğaniyə şahrvandon xidmət kardero bə Kermanədə xəyli mısbətə koon əncom bey və ya çəy tədbiron nəzərdə qəte işorəş karde iyən votışe: məişəti barədə bə xarıciyə şahrvandon çokə xıdməton edaşte bıdə.
Kermani ostandari mıhociron və təbəəon koon sər direktor Həmid Şəmsodini həm votışe: diplomatikə heyəti uzvon İnqiltərə, İndoneziyə, Niqeriyə, Norvec, Polşə, Avstraliya, Finlandıya, Fransə, Almaniya, Məcarıston, iyən Çexiyo Respublika kişvəronku bən ki de mıhociron koonədə İ Bıə Milləton Təşkilati Aliyə komissarəti idarə mıvəğğətə rəisi mışoiyət bə Kerman səfər kardəşone.
Im heyət ıştə 2 rujə səfərədə bə Kerman ostani, Kerman və Rəfsəncan şəhrestonədə bıə mıhociron təlimi emolatxonəonku və co muxtəlifə mərkəzonku vindemon kardən.
Kermani ostanədə bə 300 həzo nəfər nezi xarıciyə şahrvandon jidən ki çəvonku əksəriyət Əfğanıstoni kişvəri təbəəonin.
