Çin de bə İroni zidd Amerkə sanksiyaon muxalifətış karde.
Çini xarıci vəzarətxanə sıxənəvot təkidış kardə ki bə İroni zidd Amerkə tojə sanksiyaon barədə Pekən Vaşenqtoniku təbəəti nibəkay.
Bə İrna raporti əsos zinə Pekənədə xarıci və daxıliyə mıxboron iclosədə Çini xarıcə vəzarətxanə sıxənəvot Lu Kanq votışe, bə İroni zidd Amerkə i tərəfə sanksiyaon məxsusən İroni nati həvate barədə Çin muxalife və ım sanksiyaon icraədə mışoiyət nibəkay.
Lu Kanq de işorə bə Çini iyən İroni miyono dustanə rabitəon əlovəş karde: Pekən iyən Tehroni miyono həmkari və mıbodiləton beynəl xalğiyə ğanunon və təəhudon çərçivədə oqəte bəbe.
Çimiku bənav, ijən Çini xarıci koon vəzarətxanə co qılə sıxənəvoton Hoa Çun İinq həm de bə İroni zidd bıə Amerkə i tərəfi və ğeyri ğanuniyə sanksiyaon muxalifət kardəe təkidış kardə be: Çin ijən ətomiyə sazışiku himoyə bəkay və bə ıştə həmkarion de Tehron idomə bədoy.
Ətomiyə muğaviləku Amerkə preziden Donald Trumpi xarıc bey Bəpeştə(2018-nə sori Mayə 8) iyən Avropavıjə kişvəron tələb kardeşone ki ım təvafuğ ijən hifz bıbu, İoni həm ətomiyə sazışi çərçivədə və Amerkə sanksiyaon oqarde vaxti ıştə mənafe təmin və təzmin karde xoto bə Avropavıjon məhdudə fırsətış doə.
