Həmas təşkilat bə Ələğsa məçitədə bıə sionist rejimi təcavuzon reaksiya nışoş do.

Fələstini islamiyə mığovimət hərəkati(Həmas) ıştə tojə bəyoniyədə Ələğsa məçitədə bıə sionist rejimi təcavuzon vədə mığobilə tələbış kardə.

Bə İrib zinə ruji raporti əsos, Fələstini islamiyə mığoviməti hərəkati(Həmas) təkidış kardə ki, sionist rejimi siyasi və hərbi himoyəon sayədə işğaliyə sərzəminədə sakinə sioniston bə Ələğsa məçiti zamandə həmlə, "yəhudion sərzəmini rasistə ğanun"-i iminə nəticə həmçınin bə islamiyə mığəddəsaton əleyh iyən bə Ğuds həmləon ijən bino kardeku tojə təcavuzi bərnoməonin.

Im bəyoniyədə ğeyd bıə ki bə Ğuds və Ələğsa məçiti əleyh sionist rejimi bıhron icod əkə siyasəton vədə Fələstinıjon milliyə vəhdət lozime iyən Fələstiniyon bəpe sionist rejimi işğaləkə planon vədə mığobilə bıkon.

İslamiyə hərəkəti navnə rəisi moavin Şeyx Kəmal Xətib həm votışe: sionist rejim de ərəbi və islamiyə umməti ısətnə vəzyətiku sui-istifodəon, bə Ğudsi əleyh veyni məhdudiyəton icodış kardə və bə Ələğsa məçit təcavuz kardeyro bə işğaliyə sərzəminonədə jiyə sioniston veyni fırsəton hozzı kardedə.

Çandə sa sionist zinə təhrikomizə hərəkəton cəhətədə Ğuds kanə şəhri ətrofədə iyən bə "pesoxtə bıə pərəstişqoh xərob kardə sorqardeşi" mınosibəti xoto bə Ələğsa məçit həmlə kardeşone.