Ermənıstoni i minnə vəzir votışe: anti İron sanksiaon Ermanıstani iğtisodədə həm mənfi təsiron bois bəbe.

Bə İroni Erməni Rədio raporti əsos, Buruselədə bıə Avropa parlamenti xarıci koon kamissiaədə Nikol Paşinyan təkidış karde: bo məntə kişvəron inkişof iyən iğtisodi ozavziyero bəpe rə bə İroni zidd bıə Amerkə sanksiaon peqətə bıbon.

Ermənıstoni i minnə vəzir bə İrəvan-Boku miyono Ğrəboği barədə bıə kanə ixtilafon işarə iyən əlovəş karde: ım bıhrani həl karde fəğət bo ıştə tale mıəyyən kardero Ğərəboğ məntəğədə sakinon həx-huğuği rəsmi zıney çərçivədə əməli bəbe ki umum ıştimaiyət və beynəl-xalğ təşkilaton bəpe əy rəsmi bıznon.

Nikol Paşinyan Ğrğboği bıhrani həl karde cərəyonədə qıləy şərtonış Ermənıstan iyən Azərbaycan Respublika miyono etimod iyən xatircəməti bey elanış karde və votışe: votımon, yande bovə karde iyən saziş mədəniyət bəpe bo Cənubi Ğəfğaz məntəğə həmmə bıhranon həl kardero ğələbə iyən tətbiğ bıbu.