İronədə şiddətinə ovəyz; imdodiyə koon dəvom kardedə.
Beynəl xalğ təşkilaton iyən bəşər həxon orqanon bə İron komək karde xoto ıştə hozzoətiku xəbə dodən.
İronədə İ Bıə Milləton Təşkilati həmohənqəkə şobə de ım xəbə elan karde bə İroni ovəyz nəticəku şəhrvandon komək vığandeku xəbəş do.
Sə xaç imdodiyə təşkilat həm qıləy mesaji vasitə harcurnə koməkon vığandi barədə ım fedrasiya hozzo bey barədə votışe. Almaniya, İnqıltərə, Tırkiyə və Azərbaycan Respublikaədə bıə çandə imdodiyə təşkilaton həm de mesaji vasitə həmdardi karde kənoədə bə İron komək karde barədə ıştə hozzoətətiku xəbəşon do.
Dəvardə 2 haftə mıddətədə ovyəz təğribən İroni həmmə vırəonədə xərobi və zərər-ziyanon bois bıə ki şiddətinə zərbəon bə Qolestan və Lorestan ostanon varid be.
İroni hərbi təşkilaton həm ıştə həmmə imkanaton bə bıhraninə məntəğəon vığandəşone.
Qıləy şərayetədə kali kişvəron bə İron kəmək kardeku ıştə hozzo mande barədə xəbə dodən əmmo de Amerkə nohəxə sanksiyaon bərobər icod bıə məhdodiyəton beynəl xalğ təşkilaton de İron həmkari karde vədə mane bıə.
İroni xarıci vəzir zinə çı Trampi ım nohəxə siyasətonış nə iğtisodi canq, bəlkəm qıləy iğtisodiyə terrorizm elanış karde.
