Ruhani: bə İroni ovəyzi zərəl vində kəson vığandə koməkon vəy qəte stajış nıbıə cinoyət hisob bıdə.

İroni prezident votışe: ım məsələ ki jığo saxtə şərayetədə İroni sıə xaç imdodiyə təşkilat karde nibəzne co kişvəron tərəfo vığandə bıə koməkonku istifodə bıkə qıləy stajış nıbıə cinoyət hisob bıdə.

Həsən Ruhani zinə de İroni rəsmi şəxson vindemon karde İroni xarıci vəzarətxonə və huğuğiyə təşkilatonku tələbış karde ki de ğanuni vasitə ım məsələ barədə təhğiğ bıkən ki boçi xaricədə bıə İronıjon karde ni bəznin bə İronədə ıştə şəhrvandon koməkon bevığandon.

İroni prezident zinə həm məbəs idi həmzəman İroni Yolə Rəhbər, rəsmi şəxson çandə millət və islamiyə kişvəron cəmədə bə Amerkə tərəfo İroni imdodiyə təşkilaton banki hisobi bastə işorəş karde və votışe: deşmənon ki homanitarə koməkon vəy qəteşone sivə dim bə ben boçi ki Amerkədə ovəyzi ziyanon əvəzi nıdoe vədə əmmo İroni millət rəsmi şəxson kənoədə ijən vironəon bəsoxtin.

Xəbə ome Yonisef təşkilati koməkon xusosi herdənon xorək iyən vaksən bə İron vığande bıə.

İroni Lorestan bıhroninə ostanədə həm koməkon dəvom kardedə.

Tojədən Çini xarıci vəzir de mesaji vositə İronədə ovəyzi nəticə çandə şəhrvandon marde sə bə səlomtəti votışe. Detosə bə ısət iyən dəvardə 2 haftə mıddətədə 62 nəfər İronədə şiddətinə ovəyzi nəticədə mardən.