7 sori mıddətədə çandə həzo Bəhreynıj dastqir bən.
Jul 25, 2019 10:25 Asia/Tehran
Bəhreynı insonə həxon təşkilat qıləy məlumati nəşr kardeədə 7 sori mıddətdə yəni 2011 minnə soriku desbə 2018 minnə sor Bəhreynədə 14 həzo nəfərisə veyə cəmiyyəti dastqir kardeku xəbəş do.
Bə Əlməyadinı ımrujnə xəbon əsosi Bəhreynı insonə həxon təşkilati rəisi Bağır Dərviş votışe: ım hozzı kardə məlumatdə ıştənbəsə holətədə şəhrvandon dastqir və muhakimə karde iyən Ale xəlifə rejimi fəalə muxalifon dızdiye həxədə sənədinə məlumaton nəşr bə.
