Enerji əmniyyəti təmin karde xoto İroni rol; enerji vujor bəpe siyasi nıbu.
İroni nat vəzir Rusiyədə enerji beynəl xalğ iclosədə votışe: bə dınyo qaz və nat ehtiyacon cəvob doe xoto bəpe enerji sahədə həmkari və sərmoyə noe ziyod bıbu.
Bə İrib raporti əsos Bijən Namdar Zənqəne həminə iclosədə votışe: nat vujurədə Amerkə ğeyri ğanuni hərəkəton vəy qətero bəpe dınyo bə Amerkə rəftoron reaksiya nışo bıdə boçi ki jıqonə hərəkəton iğtisodi terrorizmi nımunəy.
İroni nat vəzir əlovəş karde: Amerkə de beynəl xalğ ğanuni ləğv karde bə İroni millət fişar varde holədəy çən bəpe enerji sahədə siyasi təsiron əvəzi iğtisodi məntığ, həmkari və malti lateralizim prinsipon cari bıbu.
Zənqənə Ərəbistoni nat sənayeədə tojə hadisəon barədə həm votışe: Ərəbiston pidəş be ım məsələku sue-istifodə karde vasitə jıqo ilğa bıkə ki dınyoədə enerji əmniyyəti vəziyət çok ni əmmo həğiğət ıme ki vəziyət vey normale.
Əv nati vujori ğeyri siyasi karde bə həmmə tərəfon xeyr zınəş be.
Viyek enerji iyən qaz sadirəkə kişvəron iclosədə iştirok karde xoto İroni nat vəzir Zənqənə zinə bə Moskva səfərış karde.
