Hindıstani Pona nomo beynəlxalğ kino festivalədə İronıjə xanımə rejissor, munsifon heyətədə iştirok kardedə.

İronıjə xanımə rejissor, Nərqis Abyar, Hindostani Pona nomo 15-nə devrə beynəlxalğ kino festivalədə hakiməti karde xoto, çı festivali munsifon heyətədə iştirok kardedə.

Bə İrib raporti əsos, İronıjə xanımə rejissor Nərqis Abyar ki, çəy Nəfəs nomo bıə vey ğəşənqə film, isət ironi kino salononədə nımoyeş doə bedə, Pona nomo 15-nə devrə beynəlxalğ kino festivalədə filmon hakiməti karde xoto, çı festivali munsifon heyətədə bənə qıləy hakim, vıjniyə be.

Im festival Yanvari 10 de tosə 12-nə ruji ijən Hindıstani Pona nomo şəhrədə bərpo bəbe.

Həmonə munsifon heyətədə çı İsveç, Hindıstan, Polşa, Serbiya, Şrilanka iyən Çili hakimon həm iştirak kardən və filmon hakiməti bəkan.

Çimiku bənav həm İroniku co kinomatoqrafist, Rəsul Sədramoli Pona festivalədə bənə hakim vıjniyə bıə be.