Rəisi: Tehron-Bəğdadi miyono bıə əloğəon inkişof bə 2 qılə millət və dıvləti mənafe koməkəkəy.

İroni prezident Tehronədə de İraği i minnə vəziri vindımoni cəryanədə bə İron və İraği miyono bıə hevujə məzhəbi və mədəni mıştərək noğtəon işarəş karde və votışe: 2 qılə millət sıvoy cuğrafiya və hamsoyəti prinsipon de yande həmkarəti kardedən və hiç amil karde nibəzne əloğəonədə problem eğando.

Seyd İbrohim rəisi 2 qılə kişvəri miyono bıə əloğəon miğdorış ısətnə miğdoriku vey bə hisobış varde və votışe: əloğəon zıney bəpeşt ısət əvoni əməliyoti və icra karde faxte.

İroni prezident bə steratejik səthədə bıə həmkarion xususi reqional həmkarion işarəş karde və votışe ki məntəğədə İraği rol ifo karde çı İroni nəzə həm heste və 2 qılə kişvər bəpe mıstəğil surəti məntəğə həmkarion bə nav bardeyro cəh  kon.

Əv Xarıcion xususi Amerkə hərbi iştiroki qıləy noəmn əkə məsələ bə hisobış varde və təkidış karde ki de İraği məclesi ğanuni həmohənq bəpe ın kişvəriku qırd Amerkə hərbion xaric bıbun.

Rəisi ijən bə muğavimət şəhidon yəni Hoci Ğasim Suleymani və Əbu Məhdi Əl-Muhəndesi terror dussiyə və bəy vabəstə bıə ğanuni və beynəlxalğ məsələon təğibi çı İraği dıvlətiku tələbış karde.