Sepah təşkiloti barədə Amerkə kin-əsəboniyəton sə nibəbe.

İroni Sepah təşkiloti fərmondə votışe: Sepah təşkiloti barədə Amerkə kin-əsəboniyəton iyən ın inğilobi təşkiloti vədə dışmonə hərəkəton qıləy həğiği məsələy ki sə nibəbe.

Bə İRİB raporti əsos, qeneral Huseyn Səlami bə Sepah təşkiloti vədə sanksiyaon dəvom peydo kardey xoto bə Amerkə Sena parlamentədə 2 minnə anti İron plani təsdiğ bey işorəş karde iyən votışe: Sepah təşkiloti barədə Amerkə kin-əsəboniyəton tam qıləy təbii məsələy.

Qeneral Səlami ijən bə İroni Yolə Rəhbəri nəzəku atom silohon və kallektiv kışte hərbi təchizoton istehsoli ğədəğən bey işorəş karde və votışe: beşək ın qıləy taktika ni bəlkəm bənə islami əmri bəy diyə karde bıdə.

İroni Sepah təşkiloti fərmondə əlovəş karde: ım ki atom silahon xıvand bıə kişvəron vədə Vəli Fəğih tərəfo jığonə mıvğiyət iyən nəzəon elan bıdə Kərimə Ğıroni məhzərədə çəy tərbiyə iyən yol bey nışonəy.