Qeneral Rəhim Səfəvi: Amerkə atomiyə muğavilə ğəbul bəkarde.
İroni Yolə Rəhbəri mışovir votışe: Amerkə hukmən bə atomiyə muğavilə tan bədoy.
Bə İrna raporti əsos, İroni Yolə Rəhbəri aliyə mışovir Qeneral Rəhim Səfəvi votışe: ımruj həmonə kişvər ki ıştə ğərolon qəteydə iyən əy bəvote ta Amerkə bəy tan bıdə İrone və Amerkə hukmən atomiyə muğavilə ğəbul bəkarde.
Hərbi sahədə bıə İroni Yolə Rəhbəri aliyə mışovir muğaviməti mədəniyəti barədə həm əlovəş karde: İslomi_ironi şəxsiyəti oqəte jintonədə muğavimət və inğilobi mədəniyət de daxıli və xarıci istibdodi mubarizə barde holədəy ta bə İslame nabe muhəmmədi əsos təsirinə əvəzon icod bıbu.
Qeneral Rəhim Səfəvi bə İroni milləti iradəon vədə Amerkə və sionist rejimi məğlubiyəti işarəş karde və votışe: həminə şərayetiku dəbəvardemon ta Asiyə ğərb və islamədə bənə i minnə ğudrət bıbəmon.
De anti İron zalimonə təhrim və sanqsiyaon ləğv kardey mehvəriyəti İron və ğərbiyon miyono bıə muzakirəon 8 minnə dıvrə Fevrali 8ku Viyanadə bino bıə.
İron vey kərə elanış karde ki Amerkə bənə atom sazışi ləğvəkə kişvəri bəpe de anti İron sanksiyaon ləğv kardey bə ın muğavilə oqardo peşo İron həm de sanksiyaon ləv bey prosses iyən dırıstəti imtivoni bəştə qiədə bıə koon əncom bədoy.
