İron iyən Tacikistoni miyono bıə həmkarion inkişof.
Ğilon ostani ditəsərrufat, məədən, sənaye iyən ticorət palata rəis de Tacikeston həmkarion inkişofi tələbış karde.
Bə Fars aqentiyəti raporti əsos, Ğilon ostani ditəsərrufat, məədən, sənaye iyən ticorət palata rəis Hadi Tizhuş zinə Doşənbədə de Tacikistoni ticorət palata iminnə muavin Nəsimcan Ənvərov vindemoni cərəyonədə bə İroni sərhəd ostanon və Tacikistoni miyono bıə çokə əloğəon işorəş karde və votışe: Ğilon ostani ditəsərrufat, məədən, sənaye iyən ticorət palata iyən Tacikistoni ticorət palata miyono həmkarəti sazışi imzo bey 2 qılə kişvəri əloğəonədə vey muhimmə roli ifo kardedə.
Tizhuş bə Amerkə sanqsiyaon jintonədə İron iyən Rusiyə miyono əloğəon miğdori vey bey işorə və əlovəş karde: umidəvumon ki İron və Tacikistoni miyono həmkari və əloğəon həm bə inkişof bırəsi.
Ğilon ostani ditəsərrufat, məədən, sənaye iyən ticorət palata rəis çı Tacikistoni ticorət palata uzvonış dəvət karde ki bə qilon səfər kon iyən de İroni iğtisodi-turist zərfiyətonku oşno bıbun.
Tacikistoni ticorət palata iminnə muavin Nəsimcan Ənvərov həm bə İronıjə heyəti xəş ome votışe və umidvar be ki Tacikiston iyən İroni bıvə kişvəron miyono həmkarəti və əloğəon bə inkişof bırəsi.
Ənvərov bə Tehron-Doşənbə miyono təyyorəon pəre xətti bino bey işorə və təkidış karde: taciron iyən iğtisodi fəəalon bəpe rohət bə dustə kişvəron səfər bıkon ta həminə nezə dustiyətiku bo həmkarəti, sərmoyə noe iyən ticori-iğtisodi əloğəon istifodə bıbu.
