Tırkiyə, Erməniston iyən Azərbaycan Respublika yolon vindemon.
Tojədən Çexiya Respublikaədə, Tırkiyə və Azərbaycan Respublika prezidenton iyən Ermənistoni iminnə vəzir de yande vindemonışon kardə.
Bə Tas aqentiyəti raporti əsos, Avropa siyasi ittifoği yolon iclosi kənoədə Tırkiyə prezident Rəcəb Təyyeb Ərdoğan, Azərbaycan Respublika prezident İlham Əliyev və Ermənistoni iminnə vəzir, Nikol Paşiniyan Buko iyən İrəvani miyono daveon sə kardey barədə votımoniro de yande vindemonışon kardə.
Tosə bə ısət, ım 3tərəfiyə vindemoni barədə komil məlumat iyən xəbəon muntəşir bə ni.
2 qılə kişvəron miyono tojə iyən marziyə daveon bəpeşt, ım iminnə kərə bəbe ki İrəvan və Buko miyono jığo sərostə votımon iyən vindemon əncom bəbe.
Erməniston iyən Azərbaycan Respublika miyono tojə marzi daveon tojə dıvrədə(Sentiyabrə manqi 12 tosə 14 minnə ruj) İrəvan elanış karde: ım canqədə, 135 nəfər Erməni əsqər kıştə bıən.
Buko həm Im daveonədə çı Azərbaycan Respublika kıştə bıə kəson miğdori 79 nəfər əsqkər elanış karde.
